إعلانات

خطيبي قفل تلفونه قبل الفرح ب4 أيام وده اللي حصل وطلعت غلطانة سبحانك يارب

خطيبي قفل تلفونه قبل الفرح ب4 أيام وده اللي حصل وطلعت غلطانة سبحانك يارب

انا كنت بعت مشكلتى قبل كده و قولت ان خطيبى اللى كنت باحبه جدا كان اتفق مع بابا ان الفرح و العفش بالنص و فوجئت انه بيطالبنى بنص تمن بدلته و حايدفع نص تمن الفستان و نص تمن الكوافير ( بس بينى و بينه) و كلكوا نصحتونى اسيبه و انه داخل على طمع مع انى كنت طالبه منكوا بس تشوفوا لى حل اقنع


به بابا انه يدفع تمن الفستان لان مكنش معايا . اللى حصل بعد كده ان خطيبى لغى الفرح قبل ميعاده باسبوعين بحجة اننا ناخد الفلوس و نتفسح و كفاية كتب الكتاب و مع ذلك طلب نص تمن الفرح من بابا بحجة انه كده كده كان حايدفعهم و انه هايفسحنى بيهم و بابا رفض و قال له انه كان حايدفع نص الفرح عشان يرد جمايل الناس اللى عزمونا قبل كده فىىافراح ولادهم و عشان يفتخر بينا اودام اهلنا اصر وقتها على عدم دفع اى مبالغ تانية و قال لخطيبى انه يفسحنى على قد مقدرته و انه كده عمل اللى عليه . خطيبى بعد الكلام ده قفل موبايله و رفض يرد عليا نهائي ولا حتى حد من اهله رضى يرد عليا ولا على ماما .. و فضلنا العشر ايام مش عارفين راسنا من رجلنا و جالى انهيار لانى مكنتش متخيله يسبنى بعد كل ده . و فجاة قبل ميعاد الفرح باربع ايام ظهر و جه لبابا و قال له انه ملغاش الفرح و كل حاجة حتتم فى ميعادها و انه عايز بقية مصاريف الفرح النص التانى عشان يكمل الدفع . المفاجأة ان بابا رفض و اصر على رد شبكته فورا و طرده . رغم ان الفرح كان بعد اربع ايام بس . و انا انهرت و جالى بقع غريبة فى جسمى كله و لفوا بيا علىىالدكاترة و اجمعوا انه مرض نفسى . و ايامها قاطعت بابا و حصل مشاكل كتير جدا و خناقات فىىالبيت لانى كنت باموت حرفيا . . انا باحكى الكلام ده لانى النهاردة و بعد فوات حوالى ٨ شهور لازم اعترف انى كنت غلط جدا و انى ظلمت بابا و مفهمتش انه كان عاوز لى راجل حقيقي . انا متخطبتش تانى لكن خطيبى خطب واتجوز فى اقل من ٣ شهور و سمعنا عن جوازته العجب و انه سرق مراته و اجهضها و رافعه عليه قضايا . كل ده فى ٦ شهور . الحمد لله يا رب ان بابا اجبرنى اسيبه و عايزه اقول لكل بنت ارجوكى اسمعى كلام باباكى و حطى ثقتك فيه و اتأكدى ان الأب بخبرته الواسعه و تجاربه الكتير عارف كويس نوعية الشاب اكتر منك . وان الحب حقيقى اعمى و ان اكتر حد فى الدنيا دى كلها بيحبك و حايعمل المستحيل عشان يحميكى من شرور الدنيا و من شرور نفسك هو ابوكى 
واخيرا احب اشكر كل الاعضاء اللى نصحونى و اشكر الجروب الرائع و كل الادمن اللى فيه  اللى سهروا معايا ايام و ليالى كتير
شكرا جدا لكم جميعا و اعتذر لوالدى و لكل عضو اتهمته بقسوة القلب لما نصحنى اسيب النذل خطيبى السابق

ينصح بمشاهدتها

إعلانات

قد يعجبك ايضاً

زوجة تضبط زوجها وهو يشكوي منها لاصدقائها عبر بث مباشر وكانت المفاجاة صادمة لها .. شاهد ماذا فعلت معه رومانسية اخر زمن ...زوجان ينتحران متعانقين تحت عجلات قطار في إنجلترا بعد حفل زفافها و لحظة وصولهما الى غرفتهما بالفندق .. طلب العريس من عروسته ان ...! ..لن تتوقع ماذا طلب ؟... شاهد بنفسك "هدى" تطلب الخلع: "جوزى اتحرش بعروسة في المحل"