إعلانات

أنا خايفة ربنا يعقابني في أولادي أنا عملت كل حاجة غلط وأنا صغيرة لك أن تتخيلها بعد ماشفت أنواع كتير من التحرش والعلاقات في حياتي وده اللي بيحصلي دلوقتي مع جوزي

أنا خايفة ربنا يعقابني في أولادي أنا عملت كل حاجة غلط وأنا صغيرة لك أن تتخيلها بعد ماشفت أنواع كتير من التحرش والعلاقات في حياتي وده اللي بيحصلي دلوقتي مع جوزي



اترددت كتير قبل مااكتبلك مش عترفه هل دا مجاهره بالذنب ولا مجرد فضفضه انا عاوزة اخرجها منى
انا مدام عندى ٢٨ سنه متجوزه بقالى خمس سنين
هابدأ حكايتى من الاول وانا طفله ٥سنين كنت انا واخواتى وماما وبابا فى اوضه واحده ..
كنت بسمع دايما بابا يتحايل على ماما عشان العلاقه وماما دايما تقوله استنى العيال لحد مايناموا كنت بعمل نفسى نايمه مش عارفه اخواتى كانوا زيى ولا لا
المهم كنت دتيما حاسه بخوف وحاسه انى بشوف واسمع حاجات اكبر من سنى
لك ان تصدق ان طفله فى عمر ال٧ سنين يتحرش بيها الجار العجوز ثم ابنه ثم اى حد وهى راكبه المواصلات مع ابوها او امها
كان جسمى سابق سنى بكتير زى مابيقولوا كدا بالبلدى جسمى فاير
كبرت شويه بفيت فى ابتدائى وكنت مثال للطفله الاولى الشاطره ثم اعدادى وانا كذلك لحد مايجى هليا سن المراهقه فى ثانوى
واحب واحد من على الشات على النت ونتقابل
كان هو ليا كل حاجه فى حياتى
كنت لسه ساذجه وعبيطه وهو بهرنى بكل حاجه فيه بدأت اهرب من المدرسه عشان اقابله فى السنيما او فى الجناين او او او وهو كان مايتوصاش حتى فى المواصلات كنا بنعمل كل حاجه؟!!!
حبيتو جدا جدا وكان معشمنى انه هايتجوزنى .و.و.و.و. بسذاجه روحت قولت لماما طبعا اتصدمت ازاى وليه وبنتى تدخل على الشات المهم قالتله تعالى اتقدم مااتقدمش لعب بيا بالحجج كنت بصدقه واتعلب بيه اكتر كان عاملمى اللعبه بتاعته وانا كنت مبسوطه استغلنى جنسيا جامد جدا بس لحد ماحصلش نهائى لحد ماقالى انه اتجوز بعد مادمرنى نفسيا ومعنويا سرقت وكدبت وهربت واضربت واخويا قص ليا شعرى وقلعنى ملط وربطنى فى الحمام ودلق عليا مايه ساقعه وربطنى على البلاط والوان من التعذيب وبردوا ماسيبتهوش شكوا انى مش عذراء كشفوا عليا لاقونى عذراء كنت ساعتها وصلت للجامعه وهو اتجوز اجنبيه اتعددت علاقاتى الجنسيه بزمايلى بناس معرفهاش بمدرسين ايام ثانوى
بس كنت لسه مافقدتش بردوا عذريتى ماما بما انها الكل فى الكل كانت يادوب بتدينى مصروف على اد المواصلات حكمت رآيى ونزلت اشتغلت فى عياده دكتور
الدكتور هو كمان ربطتنى بيه علاقه كان بيدينى فلوس بيوصلنى لحد الجامعه كنت بروحله الشقه وكنت بسرق منه عادى فلوس عشان يبقا معايا كل اللى انا عاوزاه
اتخرجت وخلا مده الجامعه دى اتخطبت مرتين واتفسخت مش عشان مشاكل فى اخلاقى ماكانش حد بعرف عنى غير التقى 

وكمال الاخلاق


لكن الخطوبات اتفشكلت لاسباب عاديه زى العفش ومكان السكن
ومن هنا ونبدأ صفحه جديده فى حياتى اتقدملى صاحب اخويا مغترب وعلى مستوى مادى عااااااالى جدا
اتجوزت ويعلم ربنا انه من ساعه ما بقيت فى عصمته وانا مثال للزوجه الصالحه عمرى ماحد لمسنى غيرو من بعد مابقيت زوجته والحمد لله بصلى وبصوم وعملت حوالى ٥ عمرات وحجتين وعندى ولد وبنت بالدنيا وما فيها بس....دايما بفكر فى الماضى مع ان لما بفتكره بزعل وبتخنق لكن كل ما اشوف راجل اودامى ببقا عاوزة اخليه تحت طوعى زى ما كل راجل عملت معاه علاقه وكان تحت طوعى جوزى بيستمتع جدا جدا معايا اثناء العلاقه لكن انا مش بحس باى متعه نهائى مع ان قبل كدا كنت بستمتع مع غيره من غير مايحصل جماع تمام لان جوزى هو الوحيد اللى دخل بيا ...كل اللى قبل كدا كان بلوجوب وهاندجوب وكدا ...فى حاجه كمان دايما بفكر فى ربنا خايفه منه طول الوقت مستنيه عقابه دايما خايفه يعاقبنى على الماضى بتاعى فى اولادى انا توبت والله توبت بس خايفه حاسه انى فى نعمه اكتر من اللى كنت استحقها اولاد وزوج مايعرفش حاجه عن قذارتى وعربيه خاصه ليا ومصروف خاص وكل حاجه بتمناها بتجيلى حاسه ان اكتمال النعمه هو غضب من ربنا خايفه منه بصلى بشغل قرآن بس خايفه يعاقبنى فى الدنيا وكمان اتحرق فى الاخره بالنار انا بخاف من النار وخايفه على نفسى واولادى منها

ينصح بمشاهدتها

إعلانات

قد يعجبك ايضاً

زوجة تضبط زوجها وهو يشكوي منها لاصدقائها عبر بث مباشر وكانت المفاجاة صادمة لها .. شاهد ماذا فعلت معه أبويا غصب علي أختي تتجوز إبن عمي اللي كان بيتمناها طول عمره لما عرف إنها بتحب واحد زملها وليلة الدخلة ده اللي حصل معاها شاهد ألبوم صور " مارينا و روماني " أشهر عروسين في مصر حيث شاعت سيرتهم بعد أن غسلت العروسة قدم زوجها بالطشت و هي في الكوشة و تلبس الفستان الابيض صاحبتي هتتجوز في بيت عيله وخطيبها سايب نسختين من مفاتيح الشقه تحت عند اهله وهي هتبدأ تحط حاجاتها الاسبوع الجاي وعماله تقوله تاخد النسخ اللي معاهم علشان تطمن ان محدش يطلع يشوف الحاجه بس هو