إعلانات

حصلي حالة إغتصاب من سنتين ومن ساعتها حياتي إتدمرت وبعاني وده اللي بيحصلي كل يوم قدام أبويا وهو ساكت

حصلي حالة إغتصاب من سنتين ومن ساعتها حياتي إتدمرت وبعاني وده اللي بيحصلي كل يوم قدام أبويا وهو ساكت



مش عارفة ابدأ منين بصراحة !! 
من سنتين اتعرضت لحادثة اغتصاب وهو اتحكم عليه واخد جزائه .كنت فاكرة الموضوع هيخلص لما يتعاقب بس بقالي سنتين بعاني معاناة محدش يتخيلها وخاصة اني ف قرية والناس مش بتسيب حد ف حاله. كنت بمشي ف الشارع كله يبص عليا واللي يبص للتاني ويشاور عليا يعني هي دي. كرهت امشي ف الشارع كرهت اروح المدرسة من نظرات

زمايلي ونظرات المدرسين وكنت حديث المدرسة كلها وبيوصلي كلام كتير كنت بستحمل لغاية موصلي كلام وحدة قالت ان مفيش حاجة إسمها اغتصاب حصل كده بمزاجها وهي عايشة ف الدور وكلام مفيش داعي لذكره. وقتها قررت مش هروح المدرسة تاني كنت تالتة ثانوي وبطلع من الاوائل وكله متوقعلي مجموع عالي و كان حلمي ادخل صيدلة بس مقدرتش استحمل الوضع حرفيا و انعزلت عن الناس كلها حتي اهلي تعبت من نظرات الشفقة بتاعتهم وبابا اللي مبقتش قادرة ابص ف وشه . وتعبت من احساس اني اقل من كل البنات اللي ف سني واللي اكبر مني كنت بقعد اتخيل مع نفسي انا محدش هيقبل بيا ومش هتجوز طب لما بابا وماما بعد عمر طويل ربنا يفتكرهم انا هقعد لوحدي حتي مستقبلي ضاع كنت أحيانا بيوصل بيا الحال اني اوصل لفكرة الانتحار وحرفيا لولا خايفة من عذاب ربنا مكنتش هكون عايشة لليوم ده.. من كام يوم عرفت ان ابن عمي عاوز يتجوزني وطبعا جوازة شفقة اللي هو استر بنت عمي واكسب فيها ثواب.انا مقبلتش من ناحية مش عاوزة جوازة شفقة حتي لو مش هتجوز خالص ومن ناحية هو حقه يتجوز اللي يختارها بارادته مش متضطر يستحمل ذنب حد تاني. مرات عمي وقتها قالت بدل ماتحمدي ربنا اساسا ولا تكونيش فاكرة نفسك زي كل البنات!!. انا عارفة اني مش زي كل البنات والله بس مكنتش مستنية ان اسمع حاجة زي كده وتتقال ف وشي.. انا مبقتش فاهمه ليه انا يحصل معايا كده انا والله عمري مآذيت حد اعرف ناس بتئذي ووحشة جدا وربنا كارمها من كل حاجة انا ربنا آخد مني كل حاجة ليه!!

ينصح بمشاهدتها

إعلانات

قد يعجبك ايضاً

عريس وعروسة يفاجئون الحاضرين في حفل الزفاف بالغناء معا لاجمل اغنيه رومانسيه تسببت في بكاء الحاضرين ... روعه بجد .. نصائح ذهبية لكل زوجة علشان تكسبي بيها قلب حماتك .. و تبقي المفضلة عندها حتى أكثر من بناتها أبويا غصب علي أختي تتجوز إبن عمي اللي كان بيتمناها طول عمره لما عرف إنها بتحب واحد زملها وليلة الدخلة ده اللي حصل معاها معجزة خطيرة فى جسد المرأة موجودة فى القرأن الكريم ويكتشفها العلم الحديث الأن