أخبار العالم
04 أكتوبر 2018 ( 4708 المشاهدات )
إعلانات

قصة نورهان التي قتلها زوجها أمام طفلتها الصغيرة .. صاحبة كلمة الزوج الحنين رزق

ربما تحتوي الصورة على: ‏‏شخص واحد‏، و‏يبتسم‏‏



شنق اختي قدام عيالها .. بالله عليكم عايزة البوست ده يلف الفيس كله ويتعرف الحقيقه .. وربنا ما يوري حد حرقه القلب الي احنا فيها

نورهان 21 سنه 
من حوالي خمس سنين مصطفي شاف اختي وقال انه عايز يخطبها وجه واتقدم واهله باين عليهم ناس محترمه ومتدينه المهم اتخطبو واتجوزو بعد سنه كده بقالهم اربع سنين متجوزين اختي معاها رودينا سنتين وكارما شهرين .. 
المهم كانت بتحصل مشاكل ف اول الجواز زي اي مشاكل بتحصل بين اي اتنين متجوزين .. جت حملت ف رودينا وخلفت والدنيا تمام جت ف كارما اما كانت حامل فيها اكشتفنا ان جوزها مدمن بودرة .. هو كان عنده محل عطارة بتاع ابوة كان واقف فيه ولما بدأ يدمن المحل اتدهور واخوه خده منه ولما عرفنا كده جبنا اختي عندنا وكنا هنطلقها .. جم اهله قالو هنقف جمبه واختي قالت هقف جمب جوزي وهوديه مصحه .. المهم دخل المصحه 3 شهور .. كانت بتروحله المصحه وهي حامل ف هضبه الاهرام وتوديله اكل وتحفزه بكلامها ولما تطلع هتبقي كويس عشاني وعشان عيالك .. المهم وقفت جمبه كتير ومظلمتوش .. ولما ولدت اول اسبوع وهي والده خدت كارما لسه بيبي 6 ايام وودتهاله عشان يبقي مبسوط ويشوفها وعشان يتعافي بسرعه عشان يخرج ويبقي معاهم .. المهم خرج متعافي وكويس وكان بيقعد يقولها كل الناس الي معايا الي ساب مراته والي اطلقت والخ الخ الخ .. مفيش حد فيهم عندة اصل غيرك انتي ي نورهان حتي اهلي مسألوش عليا ووقفو جمبي انتي اليي وقفتي جمبي انتي واهلك .. خرج ومفيش شغل .. اخواته خدوه يشتغل معاهم مرضيش يقف معاهم .. طبعا بابا خده يشتغل معاه ف القهوة بتاعته ويبقي تحت نظره اشتغل معاه طول شهر رمضان واختي كانت عندنا .. روحت ال 3 ايام بتوع العيد وكانت فرحانه جدا ان هي ف شقتها وهو معاها ..

يوم 19/6/2018 الساعه 11:30 .. جالنا مكالمه جاره اختي اتصلت الحقي ي ام نورهان تعالي شوفي بنتك وعيالها وبتصوت.. انا طبعا كنت نايمه قومت مفزوعه لبست العبايه ونزلت بشعري ف الشارع بجري هي ساكنه بعدينا بشارع روحت البيت لقيت جرانها واقفين بقولهم ف اي مالها اختي .. الكل بصصلي ومحدش راضي يرد عليا دخلت اوضه الانتريه لقيت رودينا وكارما ع الكنبه واختي ع الكرسي الي قدامهم مشنوقه ملفوف حوالين رقبتها ملايتين ومعموله ف مسورة الغاز انا شوفت كده وقعت وخدت اختي ف حضني وقعدت اصوت جه ورايا بابا وماما واهلي كلهم .. وبعد كده جه الاسعاف والبوليس .

هو عمل فيها كده ومشي وساب الباب مفتوح وراح لبابا الشغل ولا اكن ف حاجه .. 
الي عرفناه من التحقيق معاه انه .. هي صحته الساعه 7وربع قعدت تقوله قوم ي مصطفي روح الشغل يلا مصطفي قوم عشان تشوف رزقكك ورزق عيالك قوم بقا بطل كسل .. قام دخل الحمام خمس دقايق فكر انه يخرج يجيب كيس مخده ويخنقها عشان اتخنق منها عشان بتصحيه وتقوله قوم للشغل.. 

عمل كده فيها الساعه 8 وراح لباابا الساعه 9 الشغل عمل فيها كده وهي نايمه ع الكرسي كانت عنيها راحت ف النوم ع ما صحي.. وعيالها كانو قداامها فضلو قاعدين لحد الساعه 11:30 قدامها ولولا ساتر ربنا ان واحد بتاع تلفونات ارضي جه العنوان بتاعها بالغلط ونده بأسم البيت الي هي ساكنه فيه من تحت جارتها ردت قالتله .. ايوة قالها الدور التالت عايزين تلفون ارضي .. صحت ابنها 3 اعدادي طلع بيخبط لقي الباب مفتوح قعد ينده عليها يقول ي ام رودينا محدش رد راح دخل الاوضه لقاها ع الكرسي والعيال ع الكنبه شاف كده جري ع امه خايف 

والي عرفناه من التحقيقات عن لسانه هو ان اول جوازة من اختي كان بيجبها كتير تقعد عندنا .. عشان كان بيجيب ستات .. وكان بيشرب حشيش وخمرة وبيرة .. من وهو عيل صغير.. ولما كانت تيجي تقوله عايزة اروح يقولها لا اصل الماتور بايظ اصل المايه قطعه اصل النور قاطع ..

كل الي بطلوبه منكم .. ان حق اختي يجي ويتحكم عليه بالأعدام مش بحكم .. عشان ده انساان قليل الاصل مطمرش فيه الي عملته معاه .. ووقفتها جمبه وانها عايزة تحافظ ع بيتها وعيالها ومش عايزاه يتخرب عشان عيالها ..
انا بطلب القصاص .. ربنا ينتقم منه حسبي الله ونعم الوكيل عشان دمر عيله كامله بموتها وحرمنا منها وحرم عيالها منها ..وحرق قلبنا عليها 
.يتحرق قلبه ع نفسه عشان ده ابن كلب خسيس ميتقالش عليه انسان .. 

هو لسه لحد دلوقتي متحكمش عليه .. والصور بتاعته دي وهو ف المصحه الشمام 
ادعولنا ان ربنا يصبرنا وادعولها ان ربنا يرحمها ويغفرلها

ورودينا ودناها لدكتور نفساني عشان بتصحي تصوت من النوم وتقول ماما ماتت مصطفي موت ماما..

ينصح بمشاهدتها

إعلانات

قد يعجبك ايضاً

شاهد بالصور :: حياة الدرديري وسط “خيول عكاشة” بصحراء بلبيس بعد فوز “مهرته أمل” في مسابقة بالشرقية تعرف على أسعار الذهب، خلال تعاملات اليوم الجمعة، خاصة بعد ارتفاع السعر العالمى للذهب بقيمة 4 دولارات ميدو ينشر "تاتو" زوجته: "إزاي أسيبها دلوقتي" شاهد بالفيديو ... إسراء الهجان أول فتاة مصرية جريئة تقيم فرح بدون عريس .. و تعترف قائلة ..؟..