إعلانات

جوزي ضربني وانا لسه عروسة علشان ماعملتش **** وانا في الشارع

جوزي ضربني وانا لسه عروسة علشان ماعملتش **** وانا في الشارع



السلام عليكم ورحمة لله وبركاته
انا الحمدلله فتاة ٢٦ سنة والدي رجل أعمال غني جدا من عيلة كويسة
طبيبة بشري
اتقدملى شاب متوسط ووافقت بيه.مهندس بره مصر..
قلت المهم يكون محترم وابن حلال ويحبني في الله
اتخطبنا وكان
انسان كويس جدا كنت بشكر ربنا عليه
كانت عنده شقة بس مكانها مش كويس ومش امان ليا
بس بابا ادالنا شقة كويسة في مكان احسن نسكن فيها
فرشناها سوا واحدة واحدة
كانوا متساهلين جدا معاه بالنسبة لوضعي الاجتماعي والمادي
واكيد حصلت خلافات على كلام فاضي بس عديناه
وعمل حادثة بعربيتي قلتاله فداك...وبابا صلحهالنا بعد فترة
لحد ما اتقفل علينا باب واحد
وشفت حد تاني غير اللي حبيته
ضربني وانا لسه عروسة علشان ما مسكتش ايده وانا في الشارع
وشتمني بابشع الشتايم اللي عمري ما سمعتها
غير في بيته لما بيحصل اي خلاف جامد
وما ردتش اقول لحد من اهلى علشان صورته متتهزش
قلت يمكن غلطة لن تتكرر زى ما قاللي
اتغربت معاه بره مصر سبت شغلي... كطبيبة بالمناسبة...
اخدت اجازة وسبت اهلي واصحابي وبيتي وحياتي كلها
المهم عندي هو اللي قاللي ف يوم من الأيام هكون اهلك وامك وابوكي
قلت المهم اكون معاه ونعيش سوا واحدة واحدة ع الحلوة والمرة قبلها
اتغربت معاه ومن اول شهر يقوللى انزلى مصر نحوش ..احنا خلاص اتجوزنا
كنت فاكرة اني اهم حاجة عنده واني اكون معاه خاصة احنا لسه في اول حياتنا
وحصل حمل واتمنعت من السفر لأسباب صحية ونفسية هو السببالأساسي فيها
وولدت بدري وبردو كان يسيبني زعلانه وباكية وضربني وانا حامل
وانا ف الشارع أو ف البيت مش فارقة
جبتله ابن تبارك الرحمن فيما خلق
بيته جنة نضافة واهتمام ورعاية
اتعلمت كل حاجة علشان ارضيه اكل وشرب وحلويات
ودلع وحب وكلمة طيبة
كنت بقول الاذكار
مرتين علشان بينسى
كنت بعمل خير كتير وصدقات جارية
هو ميعرفهاش حتى
عمري ما خليته يرفع ورقة من ع الارض
كل همي رضاه وراحته
الاقي ايه بءا
اهانه وتقليل مني ونقد مستمر ومفيش حاجة عاجباه
لدرجة بقيت مش فاهمة هو بيعمل كده ليه
وشتايم بالاب والام
خلاني زيه انسانه معرفهاش.حزينة.كءيبة
وارقام ستات ع موبايله كل واحدة بسبب غير التاني
وتريقة عليا مع اصحابه..
سنتين متجوزة مفيش مرة سابلي فلوس ف البيت..اصله بينسى يسحب من الفيزا...
سنتين من عمري اكرم انسان بيستخسر فيا الكلمة الحلوة والضحكة
بس لأي حد الا انا
لحد ما ف يوم ابني تعب عيا وصل حرارته ل ٤١ لمدة ٣٣ ايام والمراكز الصحية مبتديش مضاد حيوي كان بيموت والله
قلتله هوديه بره معلش... خناق وزعيق وانا ف غربة
ما لقتوش جمبي كل همه دفع كام وليه وفين
قلتله كذا مرة سيبني انزل من نفسي اغير جو كل فترة مع زوجات اصحابه
يتافف ويتلكك ويختلق مشاكل ويبهدلني
يسالني بس دفعت كام
مفيش اي معاملة حسنى ولا عشرة بالمعروف
غير عينه الزايغة على اي واحدة بطريقة وحشة كنت بتكسف من نظراته دي
كأنها سكاكين ف قلبي
انا عمري م رفعت عيني ف وش حد بيكلمني
مخلصة ليه ف غيابه قبل وجوده
وعمري ما حسيت ان ده كتير عليه
بالعكس كنت بحس دايما اني مقصرة
معاه
وان ده اقل حقوقه لاني كنت بحبه
اتكلمت معاه كذا مرة يمكن يكون في حل ونتناقش ونتفاهم
كان يسيبني وينام كأني كنبة ادامه
واخيرا اضطريت ادخل اهلي وقررت انزل بلدي واخد موقف
وافق ف الاول
بعد كده قاللي هدومك ف الزبالة
ولو سافرتي يكون بلا
رجعة
كنت محتاجة انزل واقعد مع نفسي وابعد عن توتر اللي كنت فيه
وهربت من البيت ع المطار
خفت منه لقيته بيدور ع جواز سفر ابني يوم سفري .. معرفش ليه
بس كل اللي اعرفه اني خفت منه جدا ومحستش بامان
وتطاول ع والدي بالكلام لما حجزلي اني اسافر... واضطر والدي انه يكلم صاحبه يمكن يقنعه بسفري لانه مش راضي يرد عليه
ولما رجعت بلدي وطلبت الطلاق ..رده
ورد اهله...لانهم ولا فارق معاهم بالعكس ....
انه موافق بس بشرط اني اتنازل عن المؤخر والمتعة
حتى حقي عايز يظلمني فيه...انا مكنتش متخيلة ان هو ده اللي هيكون الرد...
ولا حتى فرقت معاه ولا ابني
حاولت احافظ على بيتي على اد ما اقدر
وامشي بالاصول
دخلت اهله بيكدبني وبيحور الكلام
ورفضوا يجوا يسمعوني اصلا
لانه والده لما جه قبل كده اتعصبت عليه انا وبابا وماما لانه ابنه ضاربني كذا مرة
وعمر ما كان الكلام ده ف بيتنا
و يقوله ايه يعني هي بنت النبي
فطبعا اتعصبنا واتخانقنا معاه
واعتذرتله لاني متربتش اني اهين حد ف بيتي واكبر مني
وجه كذا مرة بعد كده لما اتصالحنا
وعزمناه وعزمنا
بس لما قلتله يجي تاني في مشكلة تانية
رفض واتلكك بكده
حتى اخوه بردو
ولو هرجع بشرط مليش علاقة بوالدتي الا ف المرض والموت بعد الشر عليها..
وهي اصلا مش طرف في اي مشكلة
وعمرها ما تدخلت ما بينا
وبتعامله اكتر من ابنها وربنا العالم عملت معاه ايه وبتعامله ازاي
ولا انزل ولا اخرج مع اي حد ف الدنيا غيره
انا مش فارق معايا الحمدلله
ربنا كرمنا من وسع
وحقي عند
ربنا دنيا قبل اخرة
وهو قبل ع نفسه الحرام
يشبع بيه
بس موضوعي الاصلي

انا وابني وبيتنا اللي مش فارق معاه

صعبان عليا ظلمه ليا وظلم اهله

وكل اللي عملته علشانه

قلبي واجعني

مقهورة

ليه عمل فيا كده

انا ما استاهلش كل ده

ربنا يعلم كنت براعي ربنا فيه ازاي

حسبي الله ونعم الوكيل فيه وفي اهله ليوم الدين

لا حول ولا قوة الا بالله

ادعولي ربنا يجيرني ويعوضني

ادعو لي اقف ع رجلي تاني

وساعدوني اعمل ايه

وايه الخل الصح مع انسان زي ده

ينصح بمشاهدتها

إعلانات

قد يعجبك ايضاً

أنا كتبتلكم مشكلتي قبل كده و هي ان جوزي مجابليش شبكة وابويا جاب شبكة بداله ودلوقتي عايز مني دهبي عشان يغير عربيته كلكم قولتولي لا.. وانا عملت كدا ضحية زواج القاصرات تروي مآساتها وتوجه رسالة للفتيات: طفلي دون أب ارجوكم ساعدوني في الحل..ولو سمحتم محدش يغلط في التعليق عشان الموضوع مش متحمل احنا اربع بنات وولد كلنا متزوجات وساكنين بعيد عن منزل أقصر حياة زوجية في التاريخ لأنها لم تستمر سوى 15 دقيقة فقط .. والسبب مفاجأة .. شاهد التفاصيل بالفيديو ..